- Advertisement -

Buhari Ya Karbi Bakoncin Gwamnonin APC 9 A Daura

0

Buhari Ya Karbi Bakoncin Gwamnonin APC 9 A Daura - Dimokuradiyya

Shugaban kasa Muhammadu Buhari, a ranar Litinin ya karbi bakuncin wasu gwamnonin jam’iyyar APC mai mulki a gidansa da ke Daura a jihar Katsina.

- Advertisement -

Gwamnonin da suka kai ziyarar gaisuwar Sallah sun samu jagorancin Shugaban Kungiyar Gwamnonin Progressive Governors Forum (PGF), Gwamna Atiku Bagudu na Jihar Kebbi.

Wadanda suka yi tafiyar sun hada da gwamnan jihar Imo, Sen. Hope Uzodimma, gwamnan jihar Ekiti, Dr Kayode Fayemi, gwamnan jihar Katsina, Aminu Bello Masari, gwamnan jihar Filato, Mista Simon Lalong, gwamnan jihar Kaduna, Malam Nasir El-Rufai, da gwamnan jihar Filato. Gwamnan jihar Nassarawa, Engr. Abdullahi Sule, Gwamnan Jihar Kano, Dr Abdullahi Umar Ganduje, da Gwamnan Jihar Neja, Abubakar Sani Bello.

Da yake jawabi bayan taron, Bagudu ya ce shugabancin Tinubu da Shettima zai kara dacewa duk nasarorin da aka samu cikin shekaru bakwai da suka gabata a karkashin mulkin shugaba Buhari.

- Advertisement -

Bagudu ya ce gwamnonin APC na aiki tukuru domin ganin sun lashe zaben gwamnan Osun da ke tafe.

A nasa bangaren, Uzodimma ya bayyana zabin Shettima a matsayin shawarar gamayya, inda ya ce gwamnoni 22 na jam’iyyar APC za su kai jihohi 22 a zaben 2023 mai zuwa.

A wani labarin kuma da ban.

- Advertisement -

Ana sa ran yawan al’ummar duniya ya kai biliyan 8 a ranar 15 ga watan Nuwamban wannan shekarar, kamar yadda hasashen da majalisar dinkin duniya ta yi a wannan Litinin din ya nuna.

Hasashen ya nuna cewa Indiya za ta zarce China a yawan Jama’a a cikin shekarar 2023.

Sakataren majalisar dinkin duniya, Antonio Guterres ya ce wannan ci gaba da aka samu a bangaren yawan jama’a, tuni ne a kan hakkin da ya rataya a kan al’ummar duniya wajen kula da muhali da yanayi, sannan kuma lokaci ne na nazari a kan inda aka gaza wajen kulawa da juna.

- Advertisement -

Hasashen da hukumar kulada tattalin arziki da zamantakewa ta majalisar dinkin duniya ta yi ya nuna cewa a karon farko tun bayan shekarar alif dari tara da hamsin 1950 yawan al’ummar duniya ba ya karuwa cikin sauri.

Rahoton hasashen ya ce yawan al’ummar duniya na iya kai wa biliyan 8 da rabi a shekarar 2030, da biliyan 9 da miliyan dari 7 a 2050, inda daga nan zai tsaya a inda yake har zuwa karni na 22.

A yayin da kasashe masu tasowa da dama ke bin tsarin takaita haihuwa, fiye da rabin karuwar yawan al’umma zai kasance ne a kasashe maso tasowa 8, wato, Jamhuriyar dimokaradiyya Congo, Masar, Habasha, Indiya, Najeriya, Pakistan, Philippines da kuma Tanzania

- Advertisement -

wt11 gif

- Advertisement -

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy