Dan Takarar Sanatan Yobe Ta Arewa Yace Ba Zai Barwa Ahmad Lawan Tikitin Kujerar Sanata Ba

0

Dan Takarar Sanatan Yobe Ta Arewa Yace Ba Zai Barwa Ahmad Lawan Tikitin Kujerar Sanata Ba - Dimokuradiyya

Dan takarar kujerar Sanatan Yobe ta Arewa a karkashin jam’iyyar APC, Bashir Machina, ya bayyana cewa shugaban majalisar dattawa, Ahmad Lawan da ke kan kujerar a yanzu ba shi da shirin komawa majalisar dattijai.

Machina, wanda ya dage kan kin bai wa Lawan tikitin, ya bayyana cewa Sanatan da yana son komawa kojerar ba zai tsaya takarar shugabancin kasa a jam’iyyar ba idan yana da burin komawa majalisar dattawa.

Lawan dai ya tsaya neman tikitin takarar shugaban kasa a jam’iyyar APC inda ya sha kaye a hannun Asiwaju Bola Ahmed a zaben fidda gwani.

Rahotanni sun bayyana cewa a yanzu Lawan na neman a mika masa tikitin takarar Sanata wanda yake Machina ya bashi domin komawa majalisar.

Ya tabbatar da cewa wasikar da ta yi ta yawo a yanar gizo ita ce amsa bukatarsa daga wani mai kira da ya nemi a sakaya sunansa daga hedikwatar jam’iyyar APC ta kasa.

ADVERTISEMENT

“Na rubuta wasika ga jam’iyyar a hukumance, ina mai jaddadawa da kuma tabbatar da matsayina, cewa har yanzu ni ne dan takara; cewa ban janye ba, kuma ba zan janye ba, kuma ina cikin tseren idan wani yana tunanin ko akwai wani yunkuri,” in ji shi.

Da aka tambaye shi ko shugabancin jam’iyyar APC ya nemi ya ajiye wa Lawan, Machina ya ce, “A’a, ba zan sauka ba saboda Ahmad Lawan bai tsaya takarar majalisar dattawa ba. Tabbas, sanannen abu ne cewa Ahmad Lawan ya tsaya takarar shugaban kasa kuma ya sha kaye. Kuma a lokacin da na yi takarar Sanata Lawan bai shiga (zaben fidda gwani ba) kuma bai yi takarar (majalisar dattawa) ba. Don haka, ba na tsammanin hakan na iya zama matsala ta kowace hanya. ”

Da aka tambaye shi ko me zai yi idan shugaban kasa, Manjo Janar Muhammadu Buhari (mai ritaya) ya tambaye shi, Machina ya ce jam’iyyar APC ba za ta maimaitu da rashin bin tafarkin dimokaradiyya a wasu jam’iyyun da aka kafa jam’iyya mai mulki don kawo karshen su ba.

Dan takarar ya kuma bayyana cewa shi ne babba ga Lawan a matsayin dan majalisa kasancewar yana majalisar wakilai a rusasshiyar jamhuriya ta uku yayin da Lawan ya koma majalisar wakilai ta kasa a jamhuriya ta hudu.

wt11 gif

Leave A Reply

Your email address will not be published.

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy