- Advertisement -

Jam’iyyar PDP Ta Koka Kan Yadda ‘Yan Sanda Suka Damke Mambobinta Ba Bisa Ka’ida Ba

0

Jam’iyyar PDP Ta Koka Kan Yadda ‘Yan Sanda Suka Damke Mambobinta Ba Bisa Ka’ida Ba - Dimokuradiyya

Jam’iyyar PDP a jihar Osun ta baiwa kwamishinan ‘yan sandan jihar, Olawale Olokode wa’adin sa’o’i 24 da ya yi wa jama’a bayanin dalilin da ya sa ta kama mambobinta da tsare su ba bisa ka’ida ba.

- Advertisement -

Wata sanarwa da shugaban kwamitin riko na jam’iyyar, Akindele Adekunle, ya fitar a ranar Asabar, ta ce jam’iyyar ta bukaci ‘yan sanda su yi wa jama’a bayani kan dalilan da suka sanya suka fara kame dimbin ‘ya’yan jam’iyyar PDP a wadannan ‘yan kwanakin.

Adekunle ya zargi Kwamishinan Ayyuka da Sufuri na Jihar Osun, Remi Omowaye da kai jami’an ‘yan sanda zuwa gidajen ‘yan jam’iyyar PDP a wasu kananan hukumomin jihar domin kama su da karfi ba tare da dalili ba.

Ya kara da cewa jami’an ‘yan sandan sun kai farmaki gidajen ‘yan jam’iyyar PDP a Ijebu-Ijesa da Eti Oni a kananan hukumomin Oriade da Atakumosa ta Gabas.

- Advertisement -

Jam’iyyar ta yi zargin cewa ‘yan sanda suna gudanar da kamen a cikin dare, “harbin bindiga na lokaci-lokaci, wanda hakan ya sanya wadanda abin ya shafa da ‘yan uwansu suka gamu da rudani.

“Wannan shine kololuwar cin zarafi da dan majalisar ministocin gwamnatin Gboyega Oyetola ke yi da kuma rashin da’a a bangaren ‘yan sanda saboda ba da kansu ga cin zarafin ‘yan kasa da ake biyansu ba bisa ka’ida ba.

PDP ta kuma zargi jami’an kungiyar tsaro ta Kudu maso Yamma mai suna Amotekun da zama wani makami na musgunawa al’ummar jihar saboda a cewar sa sun sabawa manufar farko da aka kafa ta.

- Advertisement -

wt11 gif

- Advertisement -

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy