Kamfanin Google ya bayyana shafukan Shaƙatawa 15 da ƴan Najeriya suka fi ziyarta

0

Kamfanin Google ya bayyana shafukan Shaƙatawa 15 da ƴan Najeriya suka fi ziyarta - Dimokuradiyya

Kamfanin Google ya bayyana shafukan Shaƙatawa 15 da ƴan Najeriya suka fi ziyarta

Kamfanin Google ya bayyana shafukan da akafi ziyarta na tsawon shekara ɗaya data gabata daga ƴan Najeriya, domin bikin cikar Google Street view shekaru 15 da aka ƙaddamar a Shekarar 2012.

Shugaban Sashen Sadarwa da Hulɗar Jama’a Na yankin Yammacin Afirka Taiwa Kola-Ogunlade ya bayyana haka a cikin wata sanarwa daya fitar a ranar Alhamis a Lagos.

Mr Kola-Ogunlade ya lissafo adireshin da ƴan Najeriya suka fi ziyarta da suka haɗa da Wuraren Shaƙatawa, da tarihi da Manyan Makarantu da sauran su.

Kamfanin Dillancin Labaru na Ƙasa ya bada rahoton cewa Manhajar Google Street view an faɗaɗa ta, ga sama da Ƙasashe 100 da yankunan su a fadin duniya.

Google Street view ya Kasance yana ɗauko hoto na sama da miles miliyan 10 na hotuna, da zai iya zagaye duniya sau 400.

Yace shafin da aka fi ziyarta a Najeriya a tsawon shekara ɗaya shine wajen hutawa na Oniru Beach Resort, sai Elegushi Royal Beach da Wurin Shaƙatawa na Marwa Beach dukkanin su a cikin Lagos.

Mr Kola-Ogunlade ya Ƙara dacewa Wurin Tarihi ba garin Benin, Jahar Edo daya shafin Masarautar Benin na daga cikin shafin da aka fi ziyarta a Najeriya na tsawon shekara ɗaya.

A cewar sa, sai wurin tarihi na yaƙin da akayi na Umuahia Jahar Abia, wanda yake bayyana yadda aka gudanar da yaƙin Farar Hula na Najeriya-Biafra.

“Sai na uku shine wurin Tarihi a Kalakuta Dake Ikeja, Jahar Lagos wanda ke ɗauke da Kayan tarihin Sarkin Afrobeat, Fela Kuti.

“Sai cibiya dake Lekki da wani wuri da akafi sani da Bariga Waterfront Jetty sune na uku da akafi ziyarta a Ƙasar, masu kayayyakin ban sha’awa.

“Sai wuraren da ƴan Najeriya ke yawan ziyarta shine Shafin Jami’ar Ibadan ta Jahar Oyo, da Jami’ar Jaha ta Benin dake Jahar Edo”, Inji shi.

Yace a faɗin duniya, Burj Khalifa Dake Dubai shine shafin da akafi ziyarta, sai manyan gine-gine na Eiffel Tower Dake Paris, Ƙasar Faransa da kuma Taj Mahal, India.

Kamfanin Dillancin Labaru na Ƙasa yace manufar Kamfanin Google shine su shirya wani ɓangare na samar da bayanai a faɗin Duniya tare da samun su cikin sauƙi.

wt11 gif

Leave A Reply

Your email address will not be published.

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy