- Advertisement -

Ku Gaggauta Sakin Yan kabilar Tigray Da Suke Kurkuku— Kungiyar Kare Hakkin Bil-Adama Ga Gwamnatin Habasha

0

Kungiyar dake sa ido kan kare hakkin dan-Adam ta kasar Habasha, ta bukaci Gwammanatin kasar da ta saki dubban yan kabilar Tigray da ke tsare a sansani da ke arewa maso gabashin yankin.

Hukumar kare hakkin dan adam ta Habasha ta bayyana tsare mutanen a mastayin abinda bai kamata ta ba.

- Advertisement -

Hukumar ta kara da cewa fiye da mutum dubu tara ne yan kabilar Tigray ake tsare da su tun a watan Disambar bara.

Mutanen Sun fito ne daga wuraren da ke da iya ka da yankin Tigray da ke fama da yake yake.

Sai dai Gwammanatin ta Habasha ta ce an tsare su ne saboda tsaron lafiyar su, da kuma tantance masu laifuka a cikinsu.

- Advertisement -

Jaridar Dimokiradiyya ta ruwaito cewa, ta rawaito cewa wasu daga cikin wadanda ake tsare da su , sun shaida wa BBC rashin samun tallafi kiwon lafiya a sansanin na haifar da barkewar wasu cuttuka daban-daban a tsakanin su.

A wani labarin kuma na daban.

Shugaban kasa Muhammadu Buhari ya jaddada aniyar gwamnatinsa na gudanar da sahihin zabe a shekarar 2023.

- Advertisement -

Ya yi wannan alkawarin ne a ranar Laraba yayin ganawa da ‘yan Najeriya mazauna kasar Portugal. Buhari ya kara da cewa gwamnatin sa za ta baiwa hukumar zabe mai zaman kanta (INEC) damar gudanar da wannan aikin.

“Muna kuma fatan samun sauyi cikin sauki zuwa gwamnati mai zuwa,” in ji kakakin shugaban kasa, Garba Shehu, ya nakalto Buhari yana fadar haka a taron da aka gudanar a Lisbon.

“Kamar yadda na sha fada a baya, Gwamnatinmu ba za ta yi kasa a gwiwa ba wajen yin abubuwan da suka dace da kuma jin dadin ‘yan Najeriya na gida da waje.”

- Advertisement -

Shugaban ya bayyana zaben gwamna da aka gudanar a jihohin Anambra da Ekiti a matsayin hujjar cewa gwamnatinsa ba ta da hurumin yin katsalandan a zabe, yana mai cewa a bar ‘yan Najeriya su zabi mutanen da suke so.

Sanarwar ta Garba ta kuma ruwaito shugaban yana kira ga ‘yan kasashen waje da su inganta hadin kan Najeriya kamar yadda ya gargadi su kan amfani da kafafen sada zumunta wajen cin mutunci da tunzura jama’a.

A cewarsa, yayin da shafukan sada zumunta suka yi tasiri sosai a fannonin rayuwa da dama, amma, an yi amfani da su da mugun nufi.

- Advertisement -

Buhari ya kara da cewa, ‘’kasashe da dama ciki har da namu, sun dauki kwakkwaran matakai a kan wasu kafafen sada zumunta na zamani domin dakile wuce gona da iri da kuma hana su tada zaune tsaye a cikin al’ummarmu.

‘’Saboda haka, ina kira gare ku da ku yi amfani da kafafen sada zumunta cikin gaskiya. Dukkanmu muna son alhairi ga kasarmu da al’ummarmu, don haka mu himmantu wajen gina kasa da hadin kan al’ummarmu da al’ummarmu, ba wai zage-zage da tunzura jama’a daga nesa ba tare da boye suna ba.

Kar a Manta Gida

- Advertisement -

Dimokuradiyya ta rawaito cewa, Shugaban na Najeriya ya bayyana farin cikinsa kan nasarorin da ‘yan Najeriya ke samu a kasashen ketare ta fannoni da dama, inda ya bayyana cewa kasar da ma wasu da dama, sun nuna cewa ‘yan kasashen waje na iya zama injunan ci gaba da bunkasa.

“A kowane fanni na kokarin dan Adam, ko masana’antu na kere-kere, wasanni, kiwon lafiya, ilimi, ‘yan Najeriya mazauna kasashen waje sun bunkasa tare da yin amfani da fasaharsu wajen daukaka martabar kasarmu, ta fuskar tattalin arziki, zamantakewa, fasaha da al’adu,” inji shi. .

‘’Saboda wadannan dalilai ne ya sa wannan Gwamnati ta kafa Hukumar ‘Nigerian Diaspora Commission’ (NiDCOM) domin saukaka tare da tallafa wa kasarmu don samun nasara a kokarinmu na ganin ‘yan Nijeriya su kasance cikin hadin kai a gida da waje.

- Advertisement -

”Dole ne ku ci gaba da zama jakadunmu ga baki ɗaya a cikin ayyukanku, da halayenku. Dole ne ku yi fice kuma ku kasance mafi kyawu a cikin duk ƙoƙarin ku. Yayin nan, kuma kada ku manta da gida kamar yadda ku ne misalin da muke son aiwatarwa ga sauran duniya.”

wt11 gif

- Advertisement -

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy